سائنس اور ٹیکنالوجی کے وزیر شبلی فراز نے کہا ہے کہ الیکٹرانک ووٹنگ مشینوں سے جمہوریت مضبوط ہو گی اور ملک میں سیاسی استحکام آئے گا۔اسلام آباد میں پارلیمنٹ کی طرف سے انتخابات دوسرے ترمیمی بل دو ہزار اکیس کی منظوری کے بعد میڈیا سے گفتگو کرتے ہوئے انہوں نے کہا کہ ماضی میں ملک میں انتخابات ہمیشہ متنازعہ رہے ہیں جس کی وجہ سے جمہوریت مستحکم نہیں ہوسکی۔شبلی فراز نے پارلیمنٹ کی تاریخی قانون سازی پر پوری قوم کو مبارکباد دی۔
