پنجاب کی وزیر صحت ڈاکٹر یاسمین راشد نے کہا ہے کہ مریضوں کوعلاج معالجے کی بین الاقوامی معیار کی سہولتیں فراہم اور سرکاری ہسپتالوں کو جدید خطوط پر استوار کرنا موجودہ حکومت کی اولین ترجیح ہے۔ انہوں نے یہ بات آج لاہور میں ایک اجلاس کی صدارت کرتے ہوئے کہی جس میں راولپنڈی ڈویژن کے سرکاری ہسپتالوں میں ترقیاتی منصوبوں پر پیشرفت کاجائزہ لیا گیا۔ اس موقع پر انہوں نے راولپنڈی ڈویژن میں جاری ترقیاتی منصوبوں کو بروقت مکمل کرنے کی ہدایت کی۔ صوبائی وزیر صحت نے کہا کہ مریضوں کی بڑھتی ہوئی تعداد کے پیش نظر سرکاری ہسپتالوں کی توسیع ناگزیر ہے۔