صدر ڈاکٹر عارف علوی نے قوم پر زوردیا ہے کہ وہ ملک میں کورونا وائرس کے مریضوں کی بڑھتی تعداد کے تناظر میں احتیاطی تدابیر پر سختی سے عملدرآمد کرے۔
ایک ویڈیو پیغام میں صدر نےکہا کہ ہم نے اس وبا کے خلاف بڑی حد تک جنگ جیت لی ہے اور امید ہے کہ جلد اس پر مکمل طورپر قابو پالیا جائے گا۔
انہوں نے مساجد اور بازاروں میں ماسک پہننے اور سماجی فاصلہ رکھنے کی ضرورت پر زوردیا تاکہ پاکستان میں کورونا وائرس کا مکمل خاتمہ کیا جاسکے۔
انہوں نےکہا کہ حکومت کی سمارٹ لاک ڈاون پالیسی کے مثبت نتائج برآمد ہوئے ہیں۔