اطلاعات ونشریات کے بارے میں وزیراعظم کی معاون خصوصی ڈاکٹرفردوس عاشق اعوان نے کہاہے کہ گزشتہ روز سندھ اسمبلی کے حلقہ پی ایس گیارہ میں ہونے والے ضمنی انتخاب کے نتیجے سے ثابت ہوگیا ہے کہ لاڑکانہ اب پیپلزپارٹی کاسیاسی گڑھ نہیں رہا۔
انہوں نے آج ا یک ٹویٹ میں کہاکہ دھاندلی کاواویلاکرنے والوں کابیانیہ غلط ثابت ہوگیا ہے ۔انہوں نے کہاکہ ضمنی انتخاب میں پیپلزپارٹی کی شکست ان کی آنکھیں کھولنے کے لئے کافی ہے ۔
انہوں نے کہاکہ یہ ضمنی انتخاب نئے انتخابات کامطالبہ کرنے والوں کے لئے بھی ایک سبق ہے۔