طالبان نے افغانستان میں امن واستحکام کی بحالی کے لئے امریکہ کے ساتھ امن مذاکرات پھر شروع کرنے پررضامندگی کااظہارکیاہے اور کہاہے کہ مستقبل میں مذاکرات کے لئے ان کے دروازے کھلے ہیں۔بی بی سی سے ایک خصوصی انٹرویو میں طالبان کے اعلیٰ مذاکرات کارشیرمحمدعباس ستانکزئی نے اصرار کیاکہ افغانستان میں امن کے لئے مذاکرات ہی واحد راستہ ہیں۔انہوں نے صدرڈونلڈٹرمپ پرزوردیاکہ وہ افغانستان میںامن کی بحالی کے لئے دوبارہ مذاکرات کے لئے آگے آئیں۔انہوں نے کہاکہ امریکہ نے ہزاروں طالبان مارے ہیں تاہم اس وقت اگر امریکہ کاایک فوجی ہلاک ہوگیا ہے تو اس کامطلب یہ نہیں کہ اسے اس طرح ردعمل دکھاناچاہیے کیونکہ دونوں فریقوں کی طرف سے کوئی جنگ بندی نہیں ہے۔انہوں نے اقوام متحدہ کے اعدادوشمار کے حوالے سے غیرملکی افواج پرالزام عائد کیا کہ 2019ء کی پہلی ششماہی میں دہشت گردوں کے مقابلے میں افغان اورامریکی افواج نے زیادہ شہریوں کو ہلاک کیا۔طالبان رہنماستانکزئی کایہ بیان صدرٹرمپ کی طرف سے مذاکرات ختم کرنے کے بعد سامنے آیا۔(این این آر، وہاج بشیر)