جاپان نے امریکہ اور چین کے درمیان بڑھتی ہوئی تجارتی جنگ کے فوری حل پرزور دیا ہے کیونکہ اس سے عالمی معیشت متاثر ہوسکتی ہے۔
ٹوکیو میں ذرائع ابلاغ سے گفتگو کرتے ہوئے جاپان کے وزیر اقتصادیات Toshimitsu Motegi نے کہا کہ محصولات سے متعلق ادلے کا بدلہ جیسے اقدام کسی ملک کے مفاد میں نہیں۔ انہوں نے امریکہ اور چین پر زور دیا کہ وہ ایک دوسرے پرجوابی محصولات لگانے کے بجائے مذاکرات کے ذریعے مسئلہ حل کریں۔
ادھرمنگل کو شروع ہونے والے اقوام متحدہ کی جنرل اسمبلی کے اجلاس کے موقع پر وزیراعظم شینزوایبے اور ٹرمپ کے درمیان سربراہ ملاقات طے ہے۔