پنجاب کے وزیراعلیٰ کے عہدے کیلئے سردارعثمان بزدارکی نامزدگی کے فیصلے کااعلان کرتے ہوئے منتخب وزیراعظم عمران خان نے ایک ویڈیو بیان میں کہاہے کہ سردارعثمان کی نامزدگی کا مقصد پسماندہ علاقوں کو صوبے کے ترقی یافتہ حصوں کے برابر لاناہے۔

انہوں نے کہاکہ سردارعثمان کے علاقے کے لوگ ابھی تک بجلی ،صحت اورتعلیم جیسی بنیادی سہولتوں سے محروم ہیں۔منتخب وزیراعظم نے کہاکہ سردارعثمان بزدار واحد رکن صوبائی اسمبلی ہیں جن کے اپنے گھر میں بجلی نہیں ہے۔عمران خان نے کہاکہ غریب کامعیار زندگی بلند کرناہمارا مشن ہے۔سردارعثمان بزدارحلقہ پی پی286 تونسہ شریف سے پنجاب اسمبلی کے رکن منتخب ہوئے ہیں۔