ممتاز تجزیہ کاروں نے کلبھوشن یادیو کیس میں عالمی عدالت انصاف کے فیصلے کو پاکستان کی سفارتی فتح قرار دیتے ہوئے کہاہے کہ فیصلے سے بھارت کا حقیقی چہرہ دنیا کے سامنے بے نقاب ہوگیاہے۔
ریڈیو پاکستان کے خبروں اور حالات حاضرہ چینل سے گفتگو کرتے ہوئے ماہر عالمی امور ڈاکٹر ہما بقائی نے کہا کہ یادیو مقدمے میں عالمی عدالت انصاف کے فیصلے نے پاکستان میں بھارتی ریاستی دہشتگردی کے پاکستانی موقف پر مہر تصدیق ثبت کردی ہے۔پروگرام میں اظہار خیال کرتے ہوئے دفاعی تجزیہ کار ریٹائرڈ بریگیڈئر محمود شاہ نے کہا کہ پاکستان نے بھارت کو عالمی برادری کے سامنے کامیابی سے بے نقاب کیاہے۔دفاعی تجزیہ کارعبداللہ گل نے ریڈیوپاکستان کوبتایا کہ بھارت کوعالمی عدالت انصاف کے سامنے شکست کاسامناکرناپڑا۔
