محمد عاصم کھچی نے جمعہ کے روز اسلام آباد میں ڈائریکٹر جنرل پاکستان براڈ کاسٹنگ کارپوریشن کا چارج سنبھال لیا ہے ۔
عہدہ سنبھالنے کے بعد ڈائریکٹر جنرل نے سرکاری نشریاتی ادارے کے مختلف شعبوں نیشنل نیوز روم، سوشل میڈیا سیکشن ، ماسٹر کنٹرول روم اور سٹوڈیوز کا دورہ کیا ۔ڈائریکٹر نیوز اینڈ کرنٹ آفیئرز محمد طارق چوہدری نے ڈائریکٹر جنرل کو نیوز ونگ ، سوشل میڈیا اور ویب ڈیسک کے کام کے بارے میں بریفنگ دی ۔بعدمیں ایک براہ راست پروگرام میں محمد عاصم نے سرکاری ریڈیو کو دوبارہ بحال کرنے اور آج کے میڈیا کے مطابق ایک متحرک ادارہ بنانے کے عزم کا اظہار کیا ۔