بلوچستان کے گورنر امان اللہ خان یاسین زئی نے کہا ہے کہ فنی اور پیشہ ورانہ تعلیم کا فروغ ملک کی ترقی وخوشحالی کیلئے ناگزیر ہے۔آج کوئٹہ میں پیشہ وارانہ اور فنی تعلیم کے فروغ کے بارے میں جائزہ اجلاس کی صدارت کرتے ہوئے انہوں نے کہا کہ نوجوانوں کو جدید فنی تعلیم سے آراستہ کرکے صوبے سے بے روزگاری کی شرح کو کم کیا جاسکتا ہے۔امان اللہ یاسین زئی نے صوبے میں نئے فنی اور پیشہ وارانہ تربیتی اداروں کے قیام کی ضرورت پر زور دیا۔