پنجاب کے نگران وزیراعلیٰ ڈاکٹر حسن عسکری رضوی نے آج گوجرانوالہ میں آئندہ عام انتخابات پرامن ماحول میں کرانے کیلئے انتظامات کا جائزہ لیا۔ گوجرانوالہ میں مختلف محکموں کے ضلعی سربراہوں کے اجلاس کی صدارت کرتے ہوئے انہوں نے کہا کہ آزادانہ، منصفانہ اور شفاف انتخابات کا انعقاد نگران حکومت کی اولین ذمہ داری ہے۔ انہوں نے کہا کہ اس مقصد کے لئے مناسب اقدامات کو یقینی بنایا جائے گا۔