مشیرخزانہ حفیظ شیخ نے کہا ہے کہ حکومت اگلا بجٹ موجودہ اقتصادی صورتحال کی ضروریات کو مدنظر رکھتے ہوئے تیارکرنے کیلئے تمام متعلقہ فریقوں کی رائے لینے کو تیار ہے۔وہ ملک میں ٹیکس کے ڈھانچے کی بہتری کے حوالے سے تجاویز کاجائزہ لینے کیلئے ماہر ٹیکس ڈاکٹر اکرام الحق کے ساتھ ویڈیو لنک اجلاس میں گفتگو کررہے تھے ۔انہوں نے کہاکہ بجٹ کی تیاری کے دوران ہمیں موجودہ صورتحال میں درپیش مسائل سے نمٹنے اورمواقع سے استفادہ کرنے کیلئے انتہائی احتیاط سے کام لینا ہوگا ۔