پنجاب کے وزیراعلی عثمان بزدار نے کہا ہے کہ انصاف امداد پروگرام کے تحت صوبے بھر میں مستحق افراد میں مالی امداد شفاف انداز میں تقسیم کی جارہی ہے ۔
انہوں نے لاہور میں ایک بیان میں کہا کہ اس پروگرام سے کورونا وائرس سے متاثرہ غریب افراد کی معاشی مشکلات کا خاتمہ ہوگا ۔انہوںنے کہاکہ وزیراعلی پنجاب کے انصاف امداد پروگرام اور احساس پروگرام کے تحت پانچ روز میں پانچ لاکھ چوالیس ہزارمستحق خاندانوں میں چھ ارب تریپن کروڑ روپے سے زائد رقم تقسیم کی گئی ہے۔