سیکرٹری تجارت سردار احمد نواز سکھیرا نے حال ہی میں پاکستان اور چین کے درمیان آزادانہ تجارت کے معاہدے کے دوسرے مرحلے کے حوالے سے فیصل آباد میں تاجروں سے مشاورت کی۔ انہوں نے کہا کہ گزشتہ چھ ماہ کے دوران چین میں وزارتی سطح پر دو مشاورتی اجلاس ہوئے جن میں فیصلہ کیا گیا کہ ہر دو ماہ میں اس طرح کے فورم کا انعقاد کیا جائے گا تاکہ دونوں ملکوں کے تجارتی اداروں کے درمیان کاروباری روابط کے مواقع فراہم ہو سکیں۔
تاجروں اور کاروباری حضرات نے آزادانہ تجارتی معاہدے کے خدوخال کو سراہتے ہوئے کہا کہ چین پاکستان کے لئے پرکشش منڈی ہے اور کاروباری مواقع سے فائدہ اٹھانے کا بہترین طریقہ یہی ہے کہ چین کے اشتراک سے مشترکہ پیداواری منصوبے شروع کئے جائیں۔