بھارتی حکام نے لوگوں کے اطلاعات و معلومات تک رسائی کے حق پر ایک اور وار کرتے ہوئے بھارت اور مقبوضہ کشمیر میں کشمیر میڈیا سروس کی ویب سائٹ بلاک کردی ہے۔ مقبوضہ وادی اور بھارت میں کئی مقامات سے لوگوں نے کے ایم ایس کو ٹیلیفون پر بتایا کہ وہ گزشتہ کئی روز سے ویب سائٹ تک رسائی سے محروم ہیں۔یاد رہے کہ فسطائی مودی حکومت کے تحت دنیا کی سب سے بڑی نام نہاد جمہوریت ہونے کا دعویدار ملک بھارت اپنے غیرقانونی زیر قبضہ جموں و کشمیر میں مذموم ہتھکنڈے استعمال کررہا ہے۔