بھارتی پنجاب کے وزیر اعلیٰ امریندر سنگھ نے نریندر مودی کی فسطائی حکومت کی ویکسین پالیسی پر شدید نقطہ چینی کی ہے جس کے تحت بھارت میں تیار کی گئی دو اقسام کی کورونا ویکسین کی لاکھوں خوراکیں مختلف ملکوں کو عطیہ کی گئیں۔بھارت میں کورونا کی وباء سے پیدا ہونے والی خطرناک صورتحال کے بارے میں صحافتی تنظیموں کے زیر اہتمام ایک اجلاس میں انہوں نے کہا کہ مرکزی حکومت کو ویکسین کی یہ خوراکیں خیر سگالی کے جذبے کے اظہار کے مقابلے میں بھارتی عوام کو فراہم کرنے کو ترجیح دینی چاہئیے تھی۔امریندر سنگھ نے مطالبہ کیا مودی حکومت کو چاہئیے کہ وہ لوگوں کو کورونا سے بچائو کی ویکسین فراہم کرنے کی مہم کے دوران صوبائی حکومتوں کو ضروری فیصلہ سازی کا اختیار دے۔

اُدھر بھارت میں کورونا کے مریضوں کی تیزی سے بڑھتی ہوئی تعداد کے بعد صورتحال انتہائی تشویشناک ہوگئی ہے۔دلی میں پریس کانفرنس سے خطاب کرتے ہوئے وزیر اعلیٰ Arvind Kejriwalنے کہا کہ دارالحکومت نئی دلی میں آکسیجن اور ادویات کے ذخائر میں تیزی سے کمی آرہی ہے جس سے کورونا کے باعث درپیش صورتحال مزید بگڑ گئی ہے۔