امریکہ اور چین نے موسمیاتی تبدیلی کے بحران سے نمٹنے کے لئے باہمی اور دوسرے ملکوں کے ساتھ تعاون کرنے کے عزم کا اعادہ کیا ہے۔ شنگھائی میں امریکہ کے موسمیاتی تبدیلی کے بارے میں نمائندے جان کیری اور ان کے چینی ہم منصبXie Zenhua کے درمیان ملاقات کے بعد جاری ایک مشترکہ بیان میں کہا گیا ہے کہ مختلف امور پر کشیدگی کے باوجود موسمیاتی تبدیلی کے چیلنجز سے سنجیدگی کے ساتھ اور فوری طورپر نمٹا جائے گا۔