ممتاز تجزیہ کاروں نے کہا ہے کہ مسلمان ملکوں کو مغرب اوردنیابھرمیں اسلام کے خلاف بڑھتی ہوئی نفرت کے مضمرات روکنے کے لئے سفارتی ذرائع استعمال کرنے چاہئیں۔

ریڈیو پاکستان کے خبروں اور حالات حاضرہ کے چینل سے گفتگو کرتے ہوئے انہوں نے کہا کہ اسلام کے بارے میں غلط تصورات کو بدلنے کایہ صحیح وقت ہے۔تجزیہ کاروں نے کہاکہ پاکستان ہر قسم کی دہشت گردی کے خلاف ہے اور دنیا کے ساتھ تعاون کیلئے تیار ہے۔انہوں نے کہا کہ تھنک ٹینکس کو تارکین وطن اور اسلام کے خلاف بڑھتی ہوئی نفرت کے رجحانات روکنے کے لئے آگے آنا چاہئے۔تجزیہ کاروں میں اے زیڈ ہلالی، ڈاکٹر ہما بقائی، ریٹائرڈ لیفٹیننٹ جنرل رضا محمد خان، ڈاکٹر خرم اقبال اور پروفیسر ظفر نواب جسپال شامل تھے۔