پنجاب حکومت اور پاک فضائیہ نے مفاہمت کی ایک یادداشت پر دستخط کئے ہیں جس کے تحت ڈیرہ غازی خان میں فورٹ منرو کے مقام پر کیڈٹ کالج تعمیر کیا جائے گا۔
مفاہمتی یادداشت پر پنجاب کے سیکرٹری سکولز اور پاک فضائیہ کے نائب سربراہ نے لاہور میں دستخط کئے۔اس موقع پر خطاب کرتے ہوئے پنجاب کے وزیراعلیٰ محمد شہباز شریف نے پاک فضائیہ کی تعلیم کے شعبے میں خدمات کی تعریف کی۔پاک فضائیہ کے سربراہ ایئر چیف مارشل سہیل امان نے اپنے خطاب میں کہا کہ اعلیٰ معیار کی تعلیم مہذب اور پختہ نوجوان نسل کو پروان چڑھانے کی بنیاد ہے۔