خیبر پختونخوا حکومت نے ضلع کوہستان میں پانچ سو پینتالیس میگاواٹ پیداواری صلاحیت کا حامل پن بجلی گھر تعمیر کرنے کا فیصلہ کیا ہے تاکہ ملک میں توانائی کی قلت پر قابو پایا جاسکے۔

 خیبرپختونخوا کے توانائی کے ترقیاتی ادارے کے ذرائع نے ریڈیو پاکستان کے پشاور کے نمائندے کو بتایا کہ جنوبی کوریا کی ایک کمپنی نے پن بجلی گھر کی تعمیر کے منصوبے میں دلچسپی ظاہر کی ہے۔

 یہ منصوبہ ایک ارب 20 کروڑ ڈالر کی لاگت سے پانچ سال میں مکمل ہوگا۔