سندھ پولیس کے انسپکٹر جنرل اے ڈی خواجہ نے اتوار کے روز کراچی میں سندھ پولیس کے پہلے تحقیقاتی سکول کا افتتاح کیا۔
انہوں نے اس موقع پر اظہار خیال کرتے ہوئے کہاکہ یہ سکول پولیس حکام کو جدید رجحانات اور مہارتوں کے مطابق تحقیقات کی تربیت فراہم کرے گا۔
اے ڈی خواجہ نےکہا کہ سندھ حکومت صوبے میں فرانزک لیبارٹری کے قیام کے لئے بھی اقدامات کررہی ہے ۔
اس موقع پر اظہار خیال کرتے ہوئے جرمنی کے نائب قونصل جنرل نے کہاکہ ان کاملک سندھ پولیس کی استعداد کار بہتر بنانے کے لئے تعاون جاری رکھے گا۔
