وزیراعظم کے معاون خصوصی برائے صحت ڈاکٹر فیصل سلطان نے اگلے مہینے سے65 سال سے زائد عمر کے شہریوں کو کورونا ویکسین دینے کا اعلان کر دیا ہے۔
جمعرات کے روز اسلام آباد میں میڈیا سے گفتگو کرتے ہوئے انہوں نے کہا کہ بزرگ شہری ویکسین حاصل کرنے کیلئے اپنا شناختی کارڈ نمبر1166 پر بھیجیں تاکہ ان کا اندراج کیا جا سکے۔انہوں نے کہا کہ شعبہ صحت کے صف اول کے کارکنوں کو ویکسین دینے کی مہم جاری ہے۔ڈاکٹر فیصل سلطان نے کہا کہ شعبہ صحت کے عمومی کارکنوں کی رجسٹریشن پیر سے شروع ہوئی جس کیلئے ویب پورٹل جلد اپ ڈیٹ کی جائے گی۔