چین کےدارالحکومت بیجنگ میں پاکستانی سفارتخانے سے دو رکنی خصوصی ٹاسک فورس نے ووہان شہر کا دورہ کیا اور کرونا وائرس پھیلنے کے بعد پاکستانی طلبہ سے ملاقات کی اور ان کی فلاح و بہبود کے حوالے سے تازہ معلومات حاصل کیں۔
ٹاسک فورس کے ارکان نے چار جامعات میں پاکستانی طلبہ اوروہاں کے انتظامی عملے سے بھی ملاقات کی۔
ان چاروں جامعات میں تمام طلبہ محفوظ اور صحت مند ہیں اور ان کی بہتر دیکھ بھال کی جارہی ہے۔
کرونا وائرس سے متاثر ہونے والے تمام طلبہ کو فوری اور بہتر علاج معالجے کی سہولت فراہم کی گئی۔
گوانگ ژوشہر میں تین پاکستانی طلبہ اور ووہان میں ایک پاکستانی طالبعلم کورونا وائرس سے متاثر ہواتھا جو اب مکمل طور پر صحت یاب ہوچکے ہیں اور انہیں ہسپتال سے فارغ کردیا گیا ہے۔
