وزیراعظم عمران خان نے بجلی اور گیس کی قیمتوں کی جانچ پڑتال کرنے کی ہدایت کی ہے تاکہ انہیں مستقل بنیادوں پر مستحکم کیا جائے جس کا مقصد عوام کو زیادہ سے زیادہ سہولیت فراہم کرنا ہے۔
اسلام آباد میں ایک اجلاس کی صدارت کرتے ہوئے انہوں نے کہا کہ عوام خصوصاً کم آمدن والے اور غربت سے متاثرہ لوگ اور صنعتوں کی ترقی موجودہ حکومت کی انتہائی ترجیح ہےتاکہ معیشت کا پہیہ چلایا جائے گا۔
وزیراعظم کو بتایا گیا کہ عوام کو توانائی کے شعبے میں گزشتہ حکومت کے معاہدوں کے باعث بجلی اور گیس کی قیمتیں بڑھنے سے مشکلات کا سامنا ہے۔
اجلاس کو بتایا گیا کہ بجلی چوری کی روک تھام کےلئے موجودہ حکومت کی طرف سے کئے گئے موثر اقدامات کے نتیجے میں بجلی کے شعبے میں 122 ارب روپے کی اضافی آمدن ہوئی۔