گلگت بلتستان کے وزیر اعلیٰ حافظ حفیظ الرحمن نے کہا ہے کہ چین پاکستان اقتصادی راہداری اور بھاشا ڈیم منصوبوں سے پورا خطہ اور گلگت بلتستان اقتصادی ترقی کی راہ پر گامزن ہوجائے گا۔
انہوں نے یہ بات دیامر پریس کلب کے ایک وفد سے باتیں کرتے ہوئی جنہوں نے اتواراسلام آباد میں ان سے ملاقات کی۔
وزیراعلیٰ نے کہاکہ دیامر میں قراقرم انٹر نیشنل یونیورسٹی کا کیمپس اور کیڈٹ کالج چلاس کے قیام سے علاقے میں تعلیم کے فروغ کی راہ ہموار ہوگی۔
انہوں نے کہاکہ حکومت علاقے میں خواتین کی خواندگی کے فروغ کے لئے دیامر میں لڑکیوں کے دس سکول تعمیر کرے گی۔