پاکستان کی حکومت اور قیادت نے سری لنکا کے نئے منتخب صدر گوٹابایا راجا پاکساکو انتخابات میں کامیابی اور ملک کا ساتواں صدر منتخب ہونے پر مبارکباد دی ہے۔
دفتر خارجہ نے آج ایک پریس ریلیز میں کہا کہ گوٹابایا راجا پاکساکی قیادت میں سری لنکا مزید خوشحالی اور امن کی طرف سفر جاری رکھے گا۔
پاکستان سر ی لنکا کے الیکشن کمیشن اور حکومت کی طرف سے آزادانہ منصفانہ اور پرامن انتخابات کے انعقاد کو سراہتا ہے۔
حکومت پاکستان سری لنکا کے ساتھ برادرانہ تعلقات کو مزید مضبوط کرنے اور اس شراکت کونئی بلندیوں پر لے جانے کے عزم کا اظہار کرتی ہے۔
دریں اثناء وزیراعظم عمران خان نے سری لنکا صدر گوتابایاراجہ پاکسا کو صدارتی انتخابات جیتنے پر مبارکباد دی ہے۔انہوں نے آج مبارکباد کے اپنے پیغام میں کہا کہ پاکستان دوطرفہ برادرانہ تعلقات کو مزید مضبوط کرنے اور خطے کے عوام کے لئے امن، ترقی اور خوشحالی کے لئے تعاون بڑھانے کیلئے ان کے اور سری لنکا کے ساتھ مل کر کام کرنے کا خواہاں ہے۔