آزادجموں وکشمیرکے صدرسردارمسعودخان نے کہاہے کہ آزادعلاقے کی سیاسی قیادت سیاسی اختلافات کے باوجودمسئلہ کشمیر،بھارت سے آزادی اورکشمیری عوام کے حق خودارادیت کے لئے متفق ہے۔

راولاکوٹ کے قریب ایک عوامی اجتماع سے خطاب کرتے ہوئے انہوں نے کہاکہ کشمیری پاکستان کیساتھ الحاق کے خواہاں ہیں اوریہ فیصلہ جموں وکشمیرکے عوام کامشترکہ ہے۔مسعودخان نے کہاکہ آزادکشمیرکے عوام نے آزادی کے حصول اورپاکستان کاحصہ بننے کیلئے بڑی قربانیاں دی ہیں۔انہوں نے کہاکہ پاکستان وہ واحدملک ہے جودلیری اورمضبوطی کے ساتھ کشمیری عوام کے ساتھ شانہ بشانہ کھڑا ہے اورہمیں پاکستان کے ساتھ اپنے تعلقات کومزیدمستحکم کرنے کی ضرورت ہے۔