قومی اسمبلی کے سپیکر اسد قیصر نے کہا ہے کہ حکومت خیبرپختونخوا کے عوام کودرپیش مسائل کے حل کےلئے پرعزم ہے۔
آج تیسرے پہر پشاور میں صحافیوں سے گفتگو کرتے ہوئے انہوں نے کہاکہ چین پاکستان اقتصادی راہداری سے صوبے میں نہ صرف روزگار کے ہزاروں مواقع فراہم ہوں گے بلکہ خطے میں تجارتی سرگرمیوں کو بھی فروغ ملے گا۔
اسد قیصر نے کہا کہ پشاور اور طور خم کے درمیان اقتصادی راہداری پر کام بھی شروع کردیا گیا ہے اور پشاور سے جلال آباد کے راستے کو چین پاکستان اقتصادی راہداری کا حصہ بنایا جائے گا۔
انہوں نے کہا کہ اس سے پاکستان اور افغانستان کے درمیان تجارت کو فروغ ملے گا۔
