ایران کے رہبر اعلیٰ آیت اللہ علی خامنہ ای نے امریکہ کی طرف سے سعودی عرب کی تیل کی تنصیبات پر حملوں کا الزام عائد کئے جانے کے بعد اس کے ساتھ مذاکرات کاامکان مسترد کردیا ہے۔
سرکاری ٹی وی کے مطابق رہبر اعلیٰ آیت اللہ علی خامنہ ای نے کہا کہ اگر امریکہ اپنا طرزعمل تبدیل کرکے 2015 کے ایٹمی معاہدے میں دوبارہ شامل ہوتا ہے تو پھر وہ ایران اور معاہدے کے دوسرے فریقوں کے درمیان بات چیت کا حصہ بن سکتا ہے۔
انہوں نے کہا کہ ایران کے ساتھ مذاکرات کے حوالے سے بار ہا کیا جانے والا امریکی مطالبہ ایرانی قوم پر اپنی مرضی مسلط کرنے اور زیادہ سے زیادہ دباو ڈالنے کی کوشش ہے۔