برطانوی وزیراعظم کے پاکستان کے لئے تجارتی نمائندے اوربرطانوی پارلیمنٹ کے رکن رحمان چشتی نے کہاہے کہ اُن کاملک پاکستان کوبیرونی سرمایہ کاری کے لئے پرکشش ملک کے طورپرمتعارف کرانے میں مدد دے رہاہے۔اسلام آباد میں برطانوی ہائی کمیشن کی جانب سے جاری کردہ پریس ریلیز کے مطابق رحمان چشتی نے دونوں ملکوں کے درمیان مضبوط اور دیرپاتجارتی تعلقات کو یقینی بنانے کیلئے پاکستان کا چار روزہ دورہ کیا۔اپنے دورے کے دوران انہوں نے مختلف اعلیٰ سرکاری عہدیداروں سے ملاقاتیں کیں اور پاکستان میں کاروباری سرگرمیوں کے فروغ کے لئے نئی حکومت کے ساتھ ملکر کام کرنے سے متعلق برطانیہ کے عزم کااعادہ کیا۔