آزاد جموں وکشمیر کے وزیراعظم راجہ فاروق حیدر نے کہا ہے کہ کشمیر کے مسئلے کے بارے میں اقوام متحدہ کی سلامتی کونسل کا اجلاس سفارتی محاذ پر بھارت کی شکست ہے۔
ایک بیان میں انہوں نے کہاکہ یہ پاکستان کی کامیاب سفارت کاری کے باعث اجلاس ملتوی کرانے کیلئے مودی کی تمام کوششیں اور سازشیں ناکام ہوئیں۔آزاد جموں وکشمیر کے وزیراعظم نے کہا کہ ایٹمی ہتھیاروں کے استعمال کے حوالے سے بھارتی وزیر دفاع کا بیان ان کے ملک کی ناکام سفارتکاری کامظہر ہے ۔راجہ فاروق حیدر نے کہاکہ وقت آگیا ہے کہ سلامتی کونسل خطے کو جنگ کے خطرات سے نکالے۔