رواں مالی سال کے دوران سندھ میں سترہ سو اٹھائیس کلومیٹر طویل سڑکوں کی دوسوپانچ سکیمیں مکمل کی گئی ہیں۔

 محکمہ تعمیرات اور خدمات نے ریڈیو پاکستان کے کراچی کے نمائندے کو بتایا کہ  مکمل کئے گئے منصوبوں میں سڑکوں  کی بہتری اور مرمت کی  گیارہ سو انہتر سکیمیں  اور نئی سڑکوں کی تعمیر کی پانچ سو انسٹھ سکیمیں شامل ہیں۔

 انہوں نے کہا کہ شہید بے نظیر آباد، سانگھڑ، کشمور، کندھ کوٹ، خیرپور، جیکب آباد، قمبر شہداد کوٹ اور صوبے کے دیگر اضلاع میں سرکاری ونجی شعبے کی شراکت داری کے تحت سڑکوں کے متعدد اہم منصوبے شروع کئے گئے جنہیں غیر ملکی فنڈنگ سے مکمل کیاگیا۔