گلگت بلتستان کے علاقے ہنزل میں 20 میگاواٹ کے پن بجلی گھر منصوبے کی تعمیر جلد شروع کردی جائے گی۔
گلگت بلتستان اسمبلی کے ڈپٹی سپیکر جعفر اللہ خان نے ریڈیو پاکستان کے گلگت کے نمائندے کو بتایا کہ یہ منصوبہ تین سال میں مکمل ہوگا اور اس پر 6 ارب 27 کروڑ روپے لاگت آئے گی۔
یہ پہلا پن بجلی منصوبہ ہے جسے سرکاری شعبے کے ترقیاتی پروگرام کے تحت مکمل کیا جائے گا۔
آئندہ ماہ کے وسط تک قومی اور بین الاقوامی تعمیراتی کمپنیوں کو اس حوالے سے ٹھیکہ دے دیا جائے گا۔