پنجاب حکومت نے خریداری مراکز اور اضلاع کے درمیان چلنے والی مسافر گاڑیوں کے مالکان سے کہا ہے کہ وہ کل سے اپنی خدمات کی بحالی کے دوران قواعد و ضوابط پر سختی سے عملدرآمد کریں۔
یہ ہدایات آج لاہور میں صوبائی وزیر قانون راجہ بشارت کے زیر صدارت ایک اجلاس میں دی گئیں۔اجلاس میں کرونا وائرس سے پیدا ہونے والی صورتحال کا جائزہ لیا گیا۔اجلاس میں یہ فیصلہ بھی کیا گیا کہ اگلے ہفتے سے گرجا گھروں میں عبادت کی اجازت دی جائے گی۔اس موقع پر چیف سیکرٹری پنجاب جواد رفیق نے کہا کہ مارکیٹوں میں قواعد و ضوابط کی خلاف ورزی کی صورت میں تاجروں کے خلاف انفرادی طور پر کارروائی کے بجائے پوری مارکیٹ سربہمر کر دی جائے گی۔
