وزیر اعلیٰ گلگت بلتستان حافظ حفیظ الرحمن نے کہا ہے کہ ان کی حکومت علاقے گلیشئرز کے پگھلنے سے جھیلوں میں طغیانی آنے اور ماحولیات کے تحفظ کےلئے حکمت عملی وضع کررہی ہے۔
گلگت میں اقوام متحدہ کے ترقیاتی پروگرام کے کنٹری ڈائریکٹر سے گفتگو کرتے ہوئے انہوں نے گلگت بلتستان میں گلشیئرز پگھلنے سے جھیلوں میں طغیانی آنے کے عمل کو روکنے سے متعلق منصوبے کی توسیع کا خیرمقدم کیا۔
وزیر اعلیٰ نے کہا کہ ہم گلگت بلتستان کی ترقی کے لئے کام کرنے والی غیر سرکاری تنظیموں کے ساتھ تعاون کرتے ہیں۔