شام کی فضائیہ نے منگل کے روز علی الصبح اپنے دو فضائی اڈوں پر فائر کئے گئے میزائل مار گرائے ہیں۔
شام کے سرکاری ٹیلی ویژن نے بتایا ہے کہ میزائلوں کاہدف حمص میں شیرات کافضائی اڈہ اور دارالحکومت دمشق کے شمال مشرق میں ایک اوراڈہ تھا۔ادھر روس نے کہاہے کہ وہ شام میں مبینہ کیمیائی حملے کے مقام کامعائنہ کرنے کیلئے کیمیائی ہتھیاروں کے عالمی معائنہ کاروں کے دورے میں تعاون کرے گا۔کیمیائی ہتھیاروں کے تحفظ کے اعلیٰ روسی ماہرآئیگورکبری لوف نے کہاکہ کیمیائی ہتھیاروں کی روک تھام کے ادارے کے ماہرین بدھ کے روز دوما کادورہ کرینگے۔