پاک بحریہ کے سربراہ ایڈمرل ظفر محمود عباسی نے بیجنگ میں چین کے اپنے ہم منصب وائس ایڈمرل شین جنلونگ سے ملاقات کی اور بحری تعاون اور علاقائی سلامتی کی صورتحال پر تبادلہ خیال کیا۔
پاک بحریہ کے ترجمان کے مطابق بحریہ کے سربراہ نے اپنے ہم منصب کو دہشت گردی کے خلاف جنگ میں پاکستان کے عزم اورکردار کےبارے میں آگاہ کیا۔
انہوں نے سمندری دہشت گردی اور قزاقی کی روک تھام کے لئے کثیرالملکی ٹاسک فورس میں پاکستان کے کردار کو بھی اجاگر کیا۔
چینی بحریہ کے سربراہ نے سمندری تحفظ یقینی بنانے میں پاکستان کے کردار کو سراہا۔
ایڈ مرل ظفر محمود نے چین کے سائنس و ٹیکنالوجی اورصنعت کےلئے سٹیٹ ڈیپارٹمنٹ کے نائب ایڈ منسٹریٹر سے بھی ملاقات کی۔
فریقین نے دفاعی پیداوار میں تعاون پر بھی تبادلہ خیال کیا۔