فائل فوٹو

انسانی حقوق کے حوالے سے امریکہ کی سالانہ رپورٹ میں بھارتی فوج کی طرف سے مقبوضہ کشمیر میں بڑے پیمانے پر انسانی حقوق کی خلاف ورزیوں کی عالمی تحقیقات کا مطالبہ کیا گیا ہے۔

کشمیر میں انسانی حقوق سے متعلق اقوام متحدہ کی رپورٹ کا حوالہ دیتے ہوئے امریکی محکمہ خارجہ کی گزشتہ سال کی رپورٹ میں کہاگیا ہے کہ بھارتی فوج مختصر عرصے میں ایک سو پینتالیس شہریوں کو شہید کرچکی ہے۔

رپورٹ کے مطابق گزشتہ سال کے دوران انسانی حقوق کی مختلف مقامی اور بین الاقوامی تنظیموں نے بھارتی فوج کی طرف سے مقبوضہ کشمیر میں ہجوم کو قابو میں رکھنے کے لئے پیلٹ گنز کے استعمال پر شدید تشویش ظاہر کی ہے۔

سرکاری اعداد و شمار کے مطابق جولائی 2016ء سے اگست 2017 کے درمیان سترہ افراد پیلٹ گن سے زخمی ہونے کے باعث جاں بحق ہوئے۔