وزارت خزانہ نے کہاہے کہ زرمبادلہ کے موجودہ ذخائر قرضوں کی ادائیگی اور درآمدات کی ضروریات پوری کرنے کیلئے کافی ہیں۔
ایک اخبارمیں شائع ہونیوالی خبر پر وزارت کے ترجمان نے وضاحت کرتے ہوئے کہاکہ زرمبادلہ کے ذخائر کی کوئی مستقل حد نہیں ہے۔
انہوں نے کہاکہ زرمبادلہ کے ذخائر برآمدات سے حاصل کردہ آمدنی، بیرون ملک مقیم پاکستانیوں کی جانب سے موصول ہونیوالی ترسیلات زر، براہ راست بیرونی سرمایہ کاری اور مرکزی بنکوں کی آمدنی پرمشتمل ہیں۔
ترجمان نے کہاکہ پاکستان نے بیرونی ادائیگیوں میں کبھی کوئی تاخیرنہیں کی اورماضی میں زرمبادلہ کے ذخائر کی کم ترسطح کے باوجود تمام مالیاتی ذمہ داریا ں پوری کی گئی ہیں۔
