اقوام متحدہ نے گزشتہ سال اگست سے اب تک میانمارسے نقل مکانی کرکے بنگلہ دیش آنیوالے تقریباً سات لاکھ روہنگیامسلمانوں کی آمد کے بعد پیدا ہونیوالے انسانی بحران سے نمٹنے کیلئے ایک ارب ڈالرکی فراہمی کی اپیل کی ہے۔
اقوام متحدہ کے نائب ترجمان فرحان حق نے نامہ نگاروں کو بتایا کہ پناہ گزینوں کی زندگی کومحفوظ بنانے او راُن کی اشد ضروریات پوری کرنے کیلئے فوری امداد کی ضرورت ہے۔
انہوں نے کہاکہ یومیہ ایک کروڑ ساٹھ لاکھ لٹرپینے کے صاف پانی اورماہانہ ایک ہزاردوسومیٹرک ٹن سے زائدراشن کی ضرورت ہے۔