بھارت کے غیرقانونی زیرقبضہ جموں وکشمیرمیں یورپی پارلیمانی گروپ کے علاقے کے دورے کے خلاف احتجاجاً آج مکمل ہڑتال ہے اس دورے کااہتمام بھارتی حکام نے کیاہے تاکہ عالمی برادری کو علاقے کی زمینی صورتحال سے متعلق گمراہ کیاجاسکے۔
ہڑتال کی اپیل کل جماعتی حریت کانفرنس نے کی، اور تمام حریت پسندتنظیموں اورکشمیری رہنماؤں نے اس کی حمایت کی ہے جس کامقصد کشمیر کے دیرینہ تنازعہ کے حل کی کیلئے عالمی برادری کو اپنی ذمہ داروں کو یاد دلانا ہے۔تمام دکانیں، کاروباری مراکز بند ہیں اور سڑکوں پرٹریفک معطل ہے ۔حریت رہنماؤں اورتنظیموں نے اپنے الگ الگ بیانات میں کہا ہے کہ بھارت پہلے ہی عالمی برادری کو گمراہ کرنے کی کوششوں میں بری طرح ناکام ہوا ہے اور آئندہ بھی اسے ناکامی ہوگی۔