پنجاب کی صحت کی وزیر ڈاکٹر یاسمین راشد نے ذرائع ابلاغ پرزور دیا ہے کہ وہ بچوں کو پولیو سے بچاو کے قطرے پلانے سے انکار کے مسئلے سے نمٹنے کےلئے حکومت کاساتھ دیں۔ انہوں نے مذہبی رہنماوں اور تمام فریقین پر بھی زور دیا کہ وہ والدین کو بچوں کو ویکسین پلانے پر قائل کریں اور اس معاملے کو ایک قومی مقصد کے طور پر لیں۔
انہوں نے ایک نجی نیوز چینل سے گفتگو کرتے ہوئے خصوصی طور پر سوشل میڈیا پر پولیو ویکسین کےخلاف منفی پروپیگنڈے سے نمٹنے کی ضرورت پر زور دیا۔
انہوں نے پوری قوم پر زور دیا کہ وہ ملک بھر میں پولیو کے خاتمے کی جاری مہم میں بڑھ چڑھ کر حصہ لے۔
