پنجاب حکومت نے دس سال تک کے بچوں کو پولیو سے بچائو کے قطرے پلانے کا فیصلہ کیا ہے۔
یہ فیصلہ اتوار کے روز لاہور میں وزیراعلیٰ سردار عثمان بز دار کے زیر صدارت لاہور میں ایک اجلاس میں کیاگیا۔
اجلاس سے خطاب کرتے ہوئے وزیراعلیٰ نے کہا کہ بچے ہمارا مستقبل ہیں اور انہیں پولیو کے مرض سے بچانا ہماری مشترکہ ذمہ داری ہے۔
انہوں نے چیف سیکرٹری کوہدایت کی کہ وہ پولیو کے خاتمے کے اقدامات پر پیشرفت کا جائزہ لینے کے لئے ہفتہ وار بنیادوں پر اجلاس کا انعقاد کریںگے۔