خزانہ ڈویژن کے ترجمان ڈاکٹر خاقان نجیب نے کہا ہے کہ پاکستان سعودی عرب سے ہر ماہ موخر ادائیگوں پر 25 کروڑ ڈالر مالیت کا تیل حاصل کرے گا۔

نجی ٹی وی چینل سے گفتگو کرتے ہوئے انہوں نے کہا کہ سعودی ولی عہد محمد بن سلمان کے دورے کے دوران تین ارب ڈالر مالیت کے تیل کی موخر ادائیگیوں پر حصول سے متعلق معاہدے پر دستخط کئے جائیں گے۔انہوں نے کہا کہ پاکستان کو ادائیگیوں کے توازن کے لئے تین ارب ڈالر پہلے ہی مل چکے ہیں۔