مقبوضہ کشمیر میں سری نگر سمیت تمام ضلعی صدر مقامات پر جموں اور بھارت میں ہندو بلوائیوں کے حملوں کے خلاف احتجا جاً آج مکمل ہڑتال ہے۔
ہڑتال کی اپیل مختلف تجارتی تنظیموں نے کی تھی جس کی مقبوضہ کشمیر ہائیکورٹ بار ایسوسی ایشن نے تائید کی۔
تمام دکانیں اور کاروباری مراکز بند ہیں اور سڑکوں پر گاڑیوں کی آمدورفت معطل ہے،حکام نے مقبوضہ علاقے کے زیادہ تر حصوں میں موبائل انٹر نیٹ سروس معطل کردی ہے۔
احتجاج مظاہروں کو روکنے کیلئے سرینگر اور مقبوضہ وادی کے دوسرے علاقوں میں کڑی پابندیاں لگادی ہیں۔