عارف علوی نے آج اسلام آباد میں ایک اجلاس کی صدارت کرتے ہوئے متعلقہ تنظیموں سے کہا ہے کہ وہ پارلیمنٹ کی ڈیجیٹلائزیشن پرعمل درآمد مقررہ وقت میں یقینی بنائیں۔انہوں نے قومی اسمبلی اور سینیٹ جیسے ریاستی اداروں کی کارکردگی امور میں شفافیت اور حکومت کی جوابدہی بہتر بنانے کیلئے انفارمیشن ٹیکنالوجی کے استعمال کی ضرورت پر زوردیا۔صدر نے واضع کہاکہ پارلیمنٹ کی ڈیجیٹلائزیشن سے منصوبہ بندی کا عمل بہتر ہوگا اورجدید آلات اور طریقہ کار کے ذریعے ارکان پارلیمنٹ تک اعدادوشمار اور فائلوں کی رسائی آسان ہوجائے گی۔