مقبوضہ کشمیر کے سابق کٹھ پتلی وزیراعلیٰ اور بھارتی پارلیمنٹ کے رکن غلام نبی آزاد نےکہاہےکہ بی جے پی کی حکومت خطے میں موجودہ صورتحال پر دنیا کو گمراہ کررہی ہے۔
جموں میں ذرائع ابلاغ کے نمائندوں سے گفتگو کرتے ہوئے انہوں نے کہا کہ نئی دہلی کوابھی تک یہ سمجھ بوجھ نہیں ہے کہ جموں و کشمیر میں حکومت کیسے چلائی جاتی ہے۔
انہوں نے کہا کہ کشمیر کی خصوصی حیثیت ختم کرنے اور یونین کے دو حصوں میں تقسیم کرنے کے بعد سے بی جے پی کی حکومت نے کشمیر کے حالات کے حوالے سے دنیا کو گمراہ کرنے کی کوشش کی ہے۔
انہوں نے کہا کہ اب اگلے مہینے سے مودی حکومت کے درجنوں وزرا صرف تباہی دیکھنے کشمیر کا دورہ کریں گے اورجھوٹ کا پرچار کریں گے۔