File Photo
سیکرٹری خارجہ تہمینہ جنجوعہ نے کہاہے کہ پاکستان میں چوہترعالمی غیرسرکاری تنظیمیں مختلف ترجیحی شعبوں میں آزادانہ کام کررہی ہیں۔
انہوں نے یہ بات اسلام آباد میں مختلف ملکوں کے سفیروں کوعالمی غیرسرکاری تنظیموں کی رجسٹریشن اورسرگرمیوں کے بارے میں پاکستان کی پالیسی کے بارے میں بریفنگ دیتے ہوئے کہی۔سیکرٹری خارجہ نے غربت کے خاتمے، صحت ،پیشہ وارانہ تعلیم، سائنس وٹیکنالوجی، ماحولیاتی تحفظ، قدرتی آفات، کھیلوں اورثقافت کے شعبوں میں کام کرنے والی تنظیموں اور امداد دینے والے ممالک کی حوصلہ افزائی کی۔انہوں نے عالمی غیرسرکاری تنظیموں کے ایسے لائحہ عمل کے حوالے سے پاکستان کے عزم کا اعادہ کیاجو قانون کی حکمرانی ،شفافیت او ر قومی ترقی کی ترجیحات پرمبنی ہو۔