File Photo

آبی وسائل کے وزیرفیصل واوڈا نے کہاہے کہ مہمندڈیم کی تعمیر جیسے قومی منصوبوں پر اتحاد ویکجہتی کی اشدضرورت ہے ۔انہوں نے یہ بات ایک نجی نیوزچینل سے گفتگو کرتے ہوئے کہی۔وفاقی وزیرنے کہاکہ پاکستان کے عوام کے محفوظ مستقبل کیلئے مہمندڈیم کی تعمیر ضروری ہے۔ایک سوال کے جواب میں فیصل واوڈا نے کہاکہ وزیراعظم عمران خان کے زیرقیادت حکومت عوام کو بنیادی ضروریات زندگی کی فراہمی کے علاوہ ہرشعبے میں انقلابی اصلاحات لائے گی۔