پناہ گاہوں کے بارے میں وزیراعظم کے فوکل پرسن نسیم الرحمن نے کہا ہے کہ حکومت پناہ گاہ منصوبے کے تحت لاکھوں لوگوں کو باعزت طریقے سے مفت کھانا فراہم کررہی ہے ۔

آج (جمعرات)شام ریڈیوپاکستان کے خبروں اورحالات حاضرہ کے پروگرام میں اظہار خیال کرتے ہوئے انہوں نے کہاکہ پاکستان بھر میں ایک سو پندرہ پناہ گاہیں موجود ہیں اورہرایک میں سو افراد کو پناہ دینے کی گنجائش ہے ۔انہوں نے کہا پنجاب میں پچاس، خیبرپختونخوا میں تیس جبکہ بلوچستان اور سندھ میں پانچ ، پانچ پناہ گاہیں موجود ہیں۔انہوں نے کہاحکومت مستقبل میں اس بڑے منصوبے کو توسیع دینے کیلئے پرعزم ہے ۔